جدة

أسئلة

أجوبة واضحة

هذا اللي نقدر نقوله اليوم، واللي للحين نشتغل عليه

وش هو Cleeq؟
Cleeq منصة بث مباشر سعودية، تتابع فيها البث وتتفاعل معه وهو شغال، تدردش وتصوّت وتقص اللقطات وترسل الهدايا
كيف تنطق Cleeq؟
بالطريقة اللي تريحك، أغلب الناس ينطقونها مثل كلمة click بالإنجليزي، أو kleek، والاثنين صح
وش معنى الاسم؟
الاسم مستوحى من كلمة clique، وتعني مجموعة صغيرة ومترابطة من الناس يجمعهم شي واحد، مثل الشلة
هل المشاهدة مجانية؟
نعم، المشاهدة مجانية، والهدايا والاشتراكات اختيارية، والهدف منها دعم صنّاع المحتوى
متى يفتح Cleeq؟
ما حددنا موعد للحين، إحنا في المراحل الأخيرة من التحسين، ونفضّل نتأخر شوي على إننا نفتح قبل ما نكون جاهزين، اترك إيميلك ونبلغك أول ما يبدأ أول بث
هل أقدر أجربه الحين؟
لسى، في البداية بيكون Cleeq بالدعوات فقط لفترة تجريبية، عشان نختبره على بثوث حقيقية، وبعدها نفتحه للجميع
كم يكسب صانع المحتوى؟
للحين نضبط نسبة المنصة، وتغيّرت أكثر من مرة خلال الشغل، وبنعلن الأرقام النهائية قبل الإطلاق
كيف تشتغل الهدايا؟
الهدايا تنرسل بالفولت، وأسعاره بالريال السعودي، وكل هدية تظهر في الشات وعلى البث وفي أرباح صانع المحتوى
هل فيه تطبيق للجوال؟
نعم، التطبيق في الطريق، بس ما راح يكون جاهز من أول يوم، وفي البداية Cleeq متاح على الويب
هل أقدر أبث باستخدام OBS؟
نعم، Cleeq يدعم OBS، و«ستوديو البث» يجمع لك المعاينة والشات والتصويت والنشاط في شاشة وحدة
كيف تتعاملون مع السبام؟
فلاتر الشات توقف السبام قبل ما يشوفه أحد، وعند صانع المحتوى الوضع البطيء والمشرفين عشان يبقى الجو مريح للكل
مين ورا Cleeq؟
Cleeq مشروع مستقل، اشتغل عليه مؤسسه خلال السنوات الماضية، ويسعدنا نسمع رأيك وملاحظاتك في الديسكورد
وش هي شارة العضو المؤسس؟
احجز مكانك قبل أول بث وتنضاف الشارة لحسابك، وهي طريقتنا نشكر فيها اللي كانوا معنا من البداية
وش بتسوون بإيميلي؟
نرسل لك إيميل واحد لما يفتح Cleeq، وبس

عندك سؤال ثاني؟

اسألنا في الديسكورد

أو راسلنا على hello@cleeq.tv

ارجع لـ Cleeq

اللحظة ما تتكرر

لسّا ما حددنا موعد أول بث على Cleeq، اترك إيميلك ونخبرك أول ما يبدأ

قريبالتسجيل يفتح قريب، وتقدر تحجز مكانك من هنا

شارة العضو المؤسس
سجّل قبل أول بث، وحسابك ياخذ شارة «العضو المؤسس»